LA CRISIS D'ES CUARENTA

 Gallineta ziega

Me viene ta la capeza un anunzio de la tele en no que se reflesiona sobre esto. Que ye ixo de la crisis d´es cuarenta?, le pregunta una nina al pai suyo.  Er le fa la riseta e le contesta; pues ixo que te pasa cuan tiens ixa edá e  te das cuenta que ya no yes tan choven e que i ha mutas cosas que ya no faras. Al fe-te viello pasa ixo, se ixecan  cuerpos e ilusions.

Lo nuestro estatuto ha feto cuarenta anyos, e paix que ye sufrindo la crisis d´es cuarenta. Nos hemos dato cuenta,al igual que el pai de l´anunzio ,de que i ha mutas cosas que ya no faremos, que ya no tendremos. No faremos la polizia aragonesa, ni la fazienda foral, ni lo convenio bilateral pa finanziar Aragón e que atienda las nuestras pecularidaz. Tampó no avanzaremos mica en lo campo competenzial,pos totas las nuevas competenzias reconoixitas en lo estatuto (que son 22) siguen sin transferir-se. Ni se transfieren ni se transferirán. Bueno, al menos en es próximos cuarenta anyos .

Lo nuestro estatuto ha feto cuarenta anyos, cuarenta anyos d´autogobierno aragonés. Una efeméride que es aragonesistas tendríamos que zelebrar per tot lo alto. Pero en este “cumple” no tenemos guaire que festellar ,perque nenguna de las ilusions que trayó lo nuevo estatuto s´han cumplito.  Nos quedaremos sin tarta, sin velas, sin regalos. ¡Que  Tristo “cumpleaños” pa lo nuestro estatuto cuarentón! 

¿Aceptas nuestras Cookies?

Usamos cookies para mejorar tu experiencia en la web.